Worship Island 三周年感恩

三年前，冇諗過自己躲在孤島寫嘅嘢、起地牢唱嘅歌，會去到咁遠。這些詩歌被世界各地不同堂會、團體使用，甚至學校和神學院，還拿了電視台獎項、被電台播放，感謝主！多謝大家！超過九成訂閱嘅人我都唔認識，只好禮貌地行出來講聲「多謝」

呢條路除咗神，同行看顧嘅係我香港母會的牧者與及好友Jim Ling，他們在每首詩歌上給予神學與音樂專業意見，十分感謝！

回想當時，心繫香港，好想將呢啲歌交番比香港人/團體，但三年前的香港令所有人心碎，沒心情再管其他事，我唯有頂住身邊壓力擔起責任，希望撐起個頭，再交給有恩賜可負托的人；經過沉澱、長時間祈禱，決定找自己信任的牧者監察整件事，因為「敬畏神」三個字對我來說很重要，希望有人睇住，不致行差踏錯；然而剛撐起個頭，疫情爆發，lockdown 中斷所有社交，逼住我留起孤島單單倚靠神繼續走下去，於是我幫孤島改咗個名，叫 "Worship Island"，全心全意在這裡敬拜歌頌我主我神！

呢三年發生好多事，但我好開心完成咗呢幾十首歌，特別係「粵語詩歌」，我可以為自己所愛的香港做嘅，就係呢丁點事。神好明白我，就好似幾年前我哭喊呼求神時，只有佢明白我，但佢愛與管教的方式永遠出人意表，之所以我咁鍾意佢，就係因為咁，佢唔會呵住錫住我，但佢比我更明白我需要什麼；只要順服，放低自己、放低個人感受跟住佢行，最終祂的作為必定令我服到五體投地

My Lord! YOU ARE MY LORD!